MƏDƏNİYYƏT


“Mağara” abidəsinin ətrafında olan qanunsuz hasarlar sökülüb, abidəyə mühafizə lövhəsi vurulub

Bakı, 11 sentyabr, AZƏRTAC

Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti Xəzər Rayon İcra Hakimiyyəti ilə birgə ətrafı qanunsuz olaraq hasarlanan Dübəndi qəsəbəsinin Xəzərsahili ərazisində yerləşən qayaüstü təsvirlər olan “Mağara” abidəsinə müdaxilənin qarşısı alınıb. Bir müddət öncə böyük tarixi əhəmiyyətə malik olan abidə naməlum şəxslər tərəfindən qanunsuz hasarlanaraq üzərində tikinti işləri aparılmışdı.

Mədəniyyət Nazirliyindən AZƏRTAC-a bildirilib ki, hazırda qanunsuz hasarlar sökülüb, abidəyə mühafizə lövhəsi vurulub. Tarixi abidənin ətrafının tam təmizlənməsi istiqamətində işlər aparılır.

Qeyd edək ki, e.ə IV-I minilliyə aid olan “Mağara” abidəsinə bir neçə dəfə naməlum şəxslər tərəfindən müdaxilə halları baş verib, ərazidə abidənin dövlət tərəfindən qorunması ilə bağlı qoyulan mühafizə lövhələri çıxardılaraq, abidənin ətrafı hasarlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.