CƏMİYYƏT


Mağazadan mobil telefonlar oğurlamış şəxs saxlanılıb

Bakı, 25 sentyabr, AZƏRTAC

Paytaxtın Nizami rayonunda oğurluqla məşğul olan şəxs tutulub.

Daxili İşlər Nazirliyinin mətbuat xidmətindən AZƏRTAC-a bildiriblər ki, sentyabrın 24-də saat 3 radələrində paytaxtın Nizami rayonunun Babək prospektində yerləşən mağazaların birindən rayon mühafizə idarəsinə həyəcan siqnalı daxil olub.

Dərhal həmin ünvana gələn polis əməkdaşları mağazadan üç mobil telefon oğurlamış şəxsi saxlayıblar.

Araşdırmalarla onun paytaxt sakini H.Mehmanov olduğu müəyyənləşdirilib. O, araşdırmalar aparılması üçün rayon polis idarəsinin 23-cü polis bölməsinə təhvil verilib.

Faktla bağlı təhqiqat aparılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.