DÜNYA


Malayziya Cənub-Şərqi Asiyada vahid vaksin sertifikatının tətbiq olunmasını təklif edir

Tokio, 21 fevral, AZƏRTAC

Malayziya hökuməti Cənub-Şərqi Asiyada vahid vaksin sertifikatının tətbiq olunmasını təklif edir.

AZƏRTAC xəbər verir ki, bu barədə Malayziyanın Nəqliyyat naziri Vi Ka Sion məlumat verib.

“Biz Səhiyyə Nazirliyi və Elm, Texnologiya və İnnovasiyalar Nazirliyi ilə koronavirusa qarşı peyvənd vurulan insanlara vahid sertifikatın verilməsi məsələsini müzakirə etmişik. Bu məsələni Xarici İşlər Nazirliyi vasitəsilə regionun digər ölkələrinə çatdırmağı planlaşdırırıq”, - deyə Nəqliyyat naziri bildirib. Vi Ka Sion bu məsələni sinqapurlu həmkarı ilə müzakirə etdiyini də əlavə edib.

Nazir, həmçinin ümidvar olduğunu bildirib ki, bu təklifin qəbulu peyvənd vurulmuş malayziyalı səyyahların ətraf ölkələrə səfər etmələrinə və bu zaman karantində qalmamalarına şərait yaradacaq. Beləliklə, regionda aviaəlaqə bərpa olunacaq.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.