Malayziya agentliyi Azərbaycanın yol infrastrukturuna verilən yüksək qiymət barədə AZƏRTAC-ın məlumatını yayıb

Kuala Lumpur, 27 noyabr, AZƏRTAC

Malayziyanın BERNAMA Milli İnformasiya Agentliyi Dünya İqtisadi Forumu (WEF) tərəfindən Azərbaycanın yol infrastrukturuna verilən yüksək qiymət barədə AZƏRTAC-ın məlumatını yayıb.

AZƏRTAC-ın xüsusi müxbiri xəbər verir ki, “Dünya İqtisadi Forumunun Hesabatında Azərbaycan yol infrastrukturunun keyfiyyətinə görə 27-ci yerdədir” adlı məlumatda WEF tərəfindən yayımlanan 2019-cu il Qlobal Rəqabətlilik Hesabatında Azərbaycanın 5,2 bal toplayaraq 141 ölkə arasında yol infrastrukturunun keyfiyyətinə görə 27-ci yerdə qərarlaşdığı bildirilir.

Məlumatda bildirilir ki, 2006-2019-cu illər ərzində Azərbaycan üçün orta göstərici 4,08 bal, 2006-cı ildə minimum 3,32 bal və 2019-cu ildə maksimum 5,2 bal təşkil edib.

Əlavə olaraq müqayisə üçün qeyd edilir ki, 2019-cu ildə 141 ölkə üzrə dünya orta bal 4,07 olub.

Vüqar Ağayev

AZƏRTAC-ın xüsusi müxbiri

Kuala Lumpur