DÜNYA


Malinin devrilmiş prezidenti vəfat edib

Bakı, 16 yanvar, AZƏRTAC

Qiyam nəticəsində hakimiyyətdən kənarlaşdırılmış Mali prezidenti İbrahim Bubakar Keyta bu gün ölkənin paytaxtı Bamakoda vəfat edib.

AZƏRTAC xəbər verir ki, bu barədə “France Presse” agentliyi mərhumun ailəsinə istinadla məlumat yayıb. Yetmiş yeddi yaşlı İbrahim Bubakar Keyta 2013-cü ildən 2020-ci ilədək Malinin prezidenti olub. Onun ölümü barədə informasiya sabiq prezidentin bir neçə ailə üzvü tərəfindən təsdiqlənib.

Malidə qiyam 2020-ci il avqustun 18-də paytaxt Bamako yaxınlığındakı hərbi bazada başlamışdı. Qiyamçılar prezidenti və baş naziri həbs etmişdilər. Sonradan İbrahim Bubakar Keyta hərbçilərin təzyiqi altında istefa verdiyini, parlamentin və hökumətin buraxıldığını elan etmişdi.

Sabiq prezidentin ölümünün səbəbləri hələlik açıqlanmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.