İDMAN


“Mançester Siti” Serxio Aquero ilə yeni müqavilə imzalayıb

Bakı, 21 sentyabr, Nicat Məmmədov, AZƏRTAC

İngiltərənin “Mançester Siti” klubu argentinalı futbolçu Serxio Aquero ilə yeni müqavilə bağlayıb.

AZƏRTAC xəbər verir ki, 30 yaşlı futbolçu daha üç il “Mançester Siti” klubunun şərəfini qoruyacaq. Klub müqavilənin maliyyə tərəflərini açıqlamayıb.

“Mən bu klubda çox xoşbəxtəm. Artıq 7 ildir ki, “Mançester Siti”nin formasını geyinirəm. Ümidvaram ki, qarşıdakı illərdə də kluba faydalı olacağam”, – deyə argentinalı bildirib.

Qeyd edək ki, S.Aquero Mançester təmsilçisinə 2011-ci ildə İspaniyanın “Atletiko Madrid” klubundan transfer olunub. O, klubun tarixində ən məhsuldar oyunçu kimi tarixə düşüb. Serxio 299 oyunda meydana start heyətdə çıxıb, onların 204-də meydanı fərqlənərək tərk edib. Həmçinin klubun heyətində 3 dəfə İngiltərə Premyer Liqasının və İngiltərə Kubokunun qalibi olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.