İDMAN


“Mançester Siti” və “Real Madrid” klublarının tanınmış futbolçuları Azərbaycan Qran-Prisində güclərini sınayacaqlar

Bakı, 4 iyun, AZƏRTAC

İyunun 7-də Bakı şəhər halqasında virtual Formula 1 Azərbaycan Qran-Prisi keçiriləcək.

AZƏRTAC xəbər verir ki, Serxio Peres və Pyer Qaslinin virtual dünya çempionatında debütü məhz Azərbaycan Qran-Prisinə təsadüf edəcək. Onlarla yanaşı, yürüşdə Aleks Albon, Antonio Covinatsi, Nikolas Latifi, Şarl Lekler və Lando Norris güclərini sınayacaqlar. Həmçinin Dakar rallisinin sabiq çempionu Mattias Valkner da iştirakçılar arasında yer alacaq.

Qran-Pridə İngiltərənin “Mançester Siti” klubunun müdafiəçisi Aymerik Laporte, İtaliyanın “Milan” komandasının qapıçısı Canluici Donnarumma, İspaniyanın “Real Madrid” komandasının qolkiperi Tibo Kurtua da birincilik uğrunda yarışacaqlar.

Yarış Formula 1-in “YouTube”, “Twitch”, “Facebook”, həmçinin tərəfdaş telekanallar vasitəsilə yayımlanacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.