İDMAN


Maqnus Karlsen dördüncü dəfə “Shamkir Chess” superturnirinin qalibi olub

Bakı, 8 aprel, AZƏRTAC

Aprelin 8-də Azərbaycanın tanınmış şahmatçısı, qrossmeyster Vüqar Həşimovun xatirəsinə həsr olunan "Shamkir Chess 2019" superturnirinin səkkizinci turunda qalib müəyyənləşib.

AZƏRTAC xəbər verir ki, norveçli dünya çempionu Maqnus Karlsen turnirin başa çatmasına bir tur qalmış “Shamkir Chess” superturnirində dördüncü çempionluğunu bayram edib. O, səkkizinci turda rusiyalı Sergey Karyakini məğlub edərək xallarının sayını 6-ya çatdırıb. Onun ən yaxşı izləyicisi S.Karyakinin 4,5 xalı var.

Xatırladaq ki, 2014-cü, 2015-ci və 2018-ci illərdə də yarışın qalibi Maqnus Karlsen olub. 2016-cı və 2017-ci illərdə isə Şəhriyar Məmmədyarov birinci yeri tutub.

Səkkizinci turun digər oyunlarında Azərbaycan təmsilçisi Teymur Rəcəbov keçmiş dünya çempionu, hindistanlı Vişvanatan Anand ilə heç-heçə edib. Şəhriyar Məmmədyar ilə hollandiyalı Aniş Giri, bolqarıstanlı Veselin Topalovun çinli Dinq Liren, rusiyalı Aleksandr Qrişukun isə çexiyalı David Navara ilə oyunları davam edir.

Turnirə aprelin 9-da yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.