İDMAN


Maradona “Dorados” klubunun baş məşqçisi vəzifəsindən istefa verib

Bakı, 14 iyun, Nicat Məmmədov, AZƏRTAC

Argentina yığmasının heyətində dünya çempionu olmuş Dieqo Maradona Meksikanın “Dorados” futbol klubunun baş məşqçisi karyerasını başa vurub.

AZƏRTAC TASS informasiya agentliyinə istinadla xəbər verir ki, bu barədə onun vəkili Matias Morla özünün “Twitter” hesabında bildirib.

Vəkilin sözlərinə görə, Maradona səhhətində yaranmış problemlərə görə “Dorados”dakı postunu tərk edib.

“Həkimlər ona sağlamlığına vaxt ayırmağı məsləhət gördülər. O, iki çiynində və dizində cərrahi əməliyyat keçirəcək”, - Morla qeyd edib.

Məşqçinin gedişi haqqında informasiyanı futbol klubundan da təsdiqləyiblər.

Dieqo Maradona Meksikanın ikinci divizionunda “Dorados” futbol komandasına 2018-2019-cu illər mövsümündə başçılıq edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.