İDMAN


Markus Eriksson Bakıda qəza ilə bağlı Qrojanın ittihamlarına zarafatla cavab verib

Bakı, 23 aprel, AZƏRTAC

2019-cu il Formula 1 Azərbaycan Qran-Prisi ərəfəsində çempionatın rəsmi Twitter hesabında Bakıda keçirilən ötənilki yürüş zamanı baş vermiş gülməli epizod xatırlanıb.

AZƏRTAC xəbər verir ki, o vaxt “Haas” komandasının pilotu Romen Qrojan trasda təhlükəsizlik avtomobilinin olduğu dəqiqələrdə qəza keçirib. Fransız təkərləri çox cəld isidib və nəticədə qəzaya uğrayıb. Bundan dərhal sonra Qrojanın mühəndisi hesablayıb ki, Romen öz xoşu ilə divara çarpılmayıb, Markus Erikssonun “Zauber”i ona arxadan zərbə vurub.

Formula 1-in Twitter hesabında yazılıb: “Həmin məqamda Eriksson nə düşünürdü?” Bu suala Qrojanın qəzasının videomaterialı və isveçli pilotun ünvanına ittihamlar da əlavə olunub.

2019-cu il mövsümündə “IndyCar” komandasında çıxış edən Eriksson isə videoçarxı belə şərh edib: “Sadəcə özümü və super qabiliyyətimi düşünürdüm”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.