İDMAN


Marneulidə yeniyetmə və gənclər arasında şahmat turniri keçirilib

Tbilisi, 26 sentyabr, AZƏRTAC

Gürcüstanın azərbaycanlıların yığcam yaşadıqları Marneuli rayonunda yeniyetmə və gənclər arasında şahmat turniri keçirilib.

Bu barədə AZƏRTAC-a SOCAR tərəfindən dəstəklənən layihənin rəhbəri Emin Əhmədov məlumat verib.

Onun sözlərinə görə, hər il sentyabrın 23-dən 30-dək Gürcüstanda Avropa İdman Həftəsi keçirilir. Turnir də məhz “Avropa İdman Həftəsi -2021” çərçivəsində baş tutub.

Turnirdə 18 gənc və yeniyetmə iştirak edib.

Sonda qaliblər mükafatlandırılıblar.

Azərbaycanlı gənc idmançılar Rəvan Abdullayev I, Turan Həsənov II, Mehdi Gərəkməzli III-cü yerə layiq görülüblər.

Digər fərqlənən idmançılara da xatirə hədiyyələri təqdim olunub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.