İDMAN


Marneulidəki “Şahmat klubu”nun yetirməsi daha bir uğura imza atıb

Tbilisi, 26 iyun, AZƏRTAC

İyunun 25-26-da Tbilisidə Gürcüstan Şahmat Federasiyasının təşkilatçılığı ilə IV dərəcə üzrə yarışlar keçirilib.

AZƏRTAC xəbər verir ki, çempionatda Marneulidə yerləşən “Çay evi”ndəki “Şahmat klubu”nun yetirmələri də iştirak ediblər.

Klubun yetirməsi Tacir Allahverdiyev bu dəfə də yarışı qalibiyyətlə başa vurub. O, 7 xal toplayaraq birinci yerə çıxıb.

Qeyd edək ki, T.Allahverdiyev iyunun 18-19-da keçirilmiş yarışda da 6 xal toplayaraq birinciliyi qazanmışdı.

Beləliklə, klubun 6 üzvü III dərəcə üzrə yarışlarına vəsiqə qazanıb.

Məlumat üçün qeyd edək ki, klubun gənc şahmatçıları üçün yenidən V dərəcə üzrə yarışlar təşkil olunacaq. Yarışlar bu dəfə Marneulidə keçiriləcək.

“Çay evi”nin layihə rəhbəri Emin Əhmədov AZƏRTAC-a müsahibəsində deyib ki, Gürcüstan Şahmat Federasiyasının təşkilatçılığı ilə V dərəcə üzrə yeni yarışların Marneulidə keçirilməsi bizim üçün böyük önəm daşıyır. Bu, regionda idmanın inkişafına və gənclərimizin şahmata marağının artmasına səbəb olacaq.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.