İDMAN


Marşrutqurma və bələdçilik üzrə Beynəlxalq gənclər düşərgəsi təşkil olunacaq

Bakı, 9 iyul, AZƏRTAC

Avqustun 16-dan 23-dək Azərbaycan Hava və Ekstremal İdman Növləri Federasiyasının (FAİREX) və Beynəlxalq Dağçılıq Federasiyasının (UİAA) birgə təşkilatçılığı ilə Qusarın Ləzə kəndində marşrutqurma və bələdçilik üzrə Beynəlxalq gənclər düşərgəsi təşkil olunacaq.

Dünyanın ən yaşlı və nüfuzlu idman federasiyası tərəfindən bu qərarın verilməsinə səbəb FAİREX-in son illər ərzində yerli, regional və dünya miqyaslı tədbirlərdə nümayiş etdirdiyi təşkilatçılıq və peşəkarlıq olub.

FAİREX-in mətbuat xidmətindən AZƏRTAC-a bildiriblər ki, idman qayayadırmanması ilə məşğul olan 50 nəfər yerli və xarici idmançı 1 həftə ərzində beynəlxalq səviyyəli təlimçilər tərəfindən idman dırmanması marşrutlarının qurulması, habelə dağ turizmi sahəsində vacib istiqamətlərdən olan peşəkar bələdçilik üçün zəruri bilik və bacarıqlara yiyələnməklə yanaşı, Azərbaycanın təbiət gözəllikləri, burada dağçılıq turizminin inkişafı və mövcud potensial ilə yerində əyani tanış olmaq imkanı qazanmış olacaqlar.

İştirakçılar Təşkilat Komitəsi tərəfindən seçim əsasında müəyyən ediləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.