DÜNYA


Mart ayında Böyük Britaniyada avtomobil satışları 44 faiz azalıb

Bakı, 6 aprel, AZƏRTAC

Koronavirus səbəbindən avtomobil salonlarının əksəriyyəti bağlı olduğu üçün mart ayında Böyük Britaniyada yeni avtomobillərin satışı 44 faiz azalıb.

AZƏRTAC Interfax informasiya agentliyinə istinadla xəbər verir ki, ötən ay Birləşmiş Krallıqda 254 min 684 avtomobil satılıb, 2019-cu ilin martında isə bu göstərici 458 min 54 ədəd təşkil edirdi. Bu, hətta sonuncu maliyyə böhranı zamanı qeydə alınan göstəricidən də aşağıdır (2009-cu ilin mart ayında satışlar 30,5 faiz azalmışdı).

Avtomobil satışları ilin ilk kvartalında 31 faiz – 483 min 557 ədədə qədər azalıb. 2019-cu ilin analoji dövründə satış həcmi 701 min 36 ədəd təşkil edirdi. Analitiklər 2020-ci il üçün avtomobil satışının proqnozunu 1,73 milyona qədər azaldıblar ki, bu da əvvəlki qiymətləndirmədən 23 faiz aşağıdır.

Həmçinin mart ayında Fransada avtomobil satışları 72 faiz, İspaniyada 69 faiz, İtaliyada isə 85 faiz aşağı düşüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.