REGİONLAR


Masallı boksçusu Azərbaycan çempionatında bürünc medal qazanıb

Masallı, 16 yanvar, Bağır Əliyev, AZƏRTAC

Azərbaycan Boks Federasiyasının idman zalında keçirilən boks üzrə Azərbaycan çempionatında Masallı boksçusu Qəyyum Quliyev bürünc medal qazanıb.

AZƏRTAC-ın bölgə müxbiri xəbər verir ki, ölkəmizin müxtəlif şəhər və rayonlarından 29 komandanın heyətində 100 boksçunun qatıldığı Respublika çempionatında Masallı komandasını iki boksçu– Camal Səfərli (60 kq) və Qəyyum Quliyev (51 kq) təmsil edib.

Camal Səfərli mübarizəni 1/4 finalda dayandırsa da, digər Masallı idmançısı Qəyyum Quliyev növbəti mərhələyə yüksəlib.

Yekun nəticə olaraq, Qəyyum Quliyev çempionatı üçüncü pillədə başa vurub.

Qeyd edək ki, mükafatçılar Respublika yığmasının heyətinə cəlb olunacaq və beynəlxalq yarışlarda ölkəmizi təmsil edəcəklər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.