İQTİSADİYYAT


Masallı rayonunun elektrik şəbəkəsi yenidən qurulur

Bakı, 3 oktyabr (AZƏRTAC). “Azərenerji” ASC-nin mətbuat xidmətindən AZƏRTAC-a bildiriblər ki, cari ilin iyul, avqust və sentyabr aylarında “Masallı” Elektrik Şəbəkəsi Müəssisəsinin balansına aid paylayıcı şəbəkələrdə yenidənqurma işləri həyata keçirilib. Müəssisənin 10 və 0,4 kilovoltluq elektrik verilişi xətləri, eyni zamanda, transformator məntəqələri təmir olunub, bərpa edilən bir neçə transformator təkrar şəbəkəyə qoşulub.

Bu ilin 8 ayında müəssisənin xidməti ərazisində keçirilmiş reydlər zamanı xeyli sayda istehlakçının sayğac uçot komplektində qüsur aşkar edilib. Həyata keçirilən müvafiq tədbirlər nəticəsində həmin qüsurlar aradan qaldırılıb.

Bu dövrdə şəbəkə üzrə istehlak 89,1 milyon kilovat-saata yaxın olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.