REGİONLAR


Masallı sakini quşçuluq təsərrüfatını genişləndirərək xaricə qırqovul və bildirçin ixrac etməyi planlaşdırır

Masallı, 11 mart, Bağır Əliyev, AZƏRTAC

Masallı rayonunun Kolatan kənd sakini Etibar Sadıqlı uzun illər kənd təsərrüfatı sahəsində çalışsa da, son iki ildə çöl quşları - qırqovul və bildirçin saxlamağa qərar verib.

AZƏRTAC-ın bölgə müxbiri xəbər verir ki, hazırda Etibar Sadıqlının fərdi quşçuluq təsərrüfatında 300-ə qədər qırqovul, 1000-ə yaxın bildirçin var.

Altmış dörd yaşlı kənd sakini gümrah olmasının səbəbini öz təsərrüfatının məhsullarından qidalanmasında görür, qırqovul və bildirçin ətinin, yumurtasının insan orqanizminə çox xeyirli olduğunu deyir.

Təsərrüfat sahibinin sözlərinə görə, quşçuluq sahəsi həm də gəlir gətirən sahədir. Azərbaycanın hər yerindən ona sifarişlər gəlir.

Maraqlısı budur ki, kənd sakini sifarişlərin qəbulunu və satışını internet vasitəsilə həyata keçirir.

Qiymətlərə gəldikdə isə, qırqovulun cütü 70-80 manata, bildirçinin cütü isə 2-3 manata satılır.

Bildirçinlərin min bir dərdə dərman olduğunu deyən təsərrüfat sahibi çöl quşlarının sayını artırmağı və xarici bazarlara çıxarmağı planlaşdırır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.