CƏMİYYƏT
Masallı sakinindən qanunsuz odlu silah götürülüb
Masallı, 17 dekabr, Bağır Əliyev, AZƏRTAC
Daxili işlər orqanları tərəfindən qanunsuz saxlanılan silah-sursatın aşkar edilərək götürülməsi məqsədilə əməliyyat-axtarış tədbirləri davam etdirilir.
Daxili İşlər Nazirliyinin Mətbuat xidmətinin Lənkəran regional qrupundan AZƏRTAC-ın bölgə müxbirinə verilən məlumata görə, bu istiqamətdə Masallı Rayon Polis Şöbəsinin əməkdaşlarının keçirdikləri əməliyyat tədbirləri zamanı rayonun Həsənli kənd sakini V.Ağayevdən qanunsuz olaraq saxladığı bir ədəd ov tüfəngi aşkar edilərək götürülüb. Həmin silah aidiyyəti üzrə təhvil verilib.
V.Ağayev barəsində İnzibati Xətalar Məcəlləsinin müvafiq maddəsinə əsasən inzibati protokol tərtib edilərək baxılması üçün Masallı Rayon Məhkəməsinə göndərilib.