REGİONLAR


Masallı sakinləri Yeni ili bayram əhval-ruhiyyəsi ilə qarşılayıblar

Masallı, 1 yanvar, Bağır Əliyev, AZƏRTAC

Masallı şəhərinin mərkəzi meydanına Dünya Azərbaycanlılarının Həmrəylik Günü və Yeni il bayramı münasibətilə ümumrayon tədbiri keçirilib.

AZƏRTAC-ın bölgə müxbiri xəbər verir ki, tədbir iştirakçıları əvvəlcə ulu öndər Heydər Əliyevin abidəsi önünə gül dəstələri düzərək xatirəsini ehtiramla yad ediblər.

Bayramsayağı bəzədilmiş meydanda yeni ilin rəmzi olan Yolka ətrafında Şaxta baba və Qar qızın iştirakı ilə keçirilən tədbirdə rayon icra hakimiyyətinin əməkdaşları, idarə, təşkilat və müəssisələrin kollektivləri, ictimaiyyət nümayəndələri iştirak ediblər.

Yeni il şənliyində çıxış edənlər Masallı rayonunun sakinlərini əlamətdar bayramlar münasibətilə təbrik edərək, Prezident İlham Əliyevin yürütdüyü uğurlu daxili və xarici siyasət nəticəsində ölkəmizdə, o cümlədən Masallı rayonunda da 2018-ci ilin uğurla başa çatdığını bildiriblər.

Bayram tədbiri rayonun bədii özfəaliyyət kollektivlərinin ifasında konsert proqramı ilə davam edib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.