REGİONLAR


Masallıda “Ailə məktəbi - valideynlərin iştirakı ilə psixososial durumun yaxşılaşdırılması” layihəsinin icrasına başlanılıb

Masallı, 20 oktyabr, Bağır Əliyev, AZƏRTAC

Masallı rayonunun Banbaşı kənd tam orta məktəbində Təhsil Nazirliyinin keçirdiyi “Təhsildə inkişaf və innovasiyalar üzrə V qrant müsabiqəsi”nin qalibi olmuş “Ailə məktəbi-valideynlərin iştirakı ilə psixososial durumun yaxşılaşdırılması” layihəsinin icrasına başlanılıb.

Layihə rəhbəri Pərvin Hüseynovanın AZƏRTAC-ın bölgə müxbirinə verdiyi məlumata görə, layihənin məqsədi Masallı rayonunun 5 məktəbində ibtidai siniflərin valideynlərini təlimatlandırmaq vasitəsilə valideyn və məktəb arasında əməkdaşlığın inkişaf etdirilməsi istiqamətində model yaratmaqdır.

Layihənin icrası ilə bağlı müvafiq əməkdaşlıqlar qurulub, idarəetmə komandası formalaşdırılıb, məktəb rəhbərliyi və valideynlər üçün layihə barədə təqdimatlar təşkil edilib.

Valideynlər tərəfindən məktəbdə ideyalar icra olunduqdan sonra “Ailə məktəbi”ndə iştirak ilə bağlı valideynlərin seçiminə start veriləcək. Seçimdən sonra valideynlər dördgünlük “Ailə məktəbi” təlimlərinə cəlb olunacaqlar.

Layihənin icrası dekabrın 15-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.