Masallıda bilik yarışı: “Onu zaman seçmişdir”

Masallı, 15 mart, İlkin Adıyev, AZƏRTAC

Masallı “ASAN xidmət” mərkəzində Masallı rayonu üzrə ümumi təhsil müəssisələrinin şagirdləri və Masallı şəhər Onbirillik İncəsənət Məktəbinin dərnək üzvləri arasında Ümummilli Lider Heydər Əliyevin anadan olmasının 100 illiyinə həsr olunan “Onu zaman seçmişdir” adlı “Breyn Rinq” intellektual bilik yarışı keçirilib.

AZƏRTAC-ın bölgə müxbiri xəbər verir ki, altı komandanın iştirakı ilə gərgin mübarizə şəraitində davam edən yarışda Masallı şəhər N.Nərimanov adına 2 saylı tam orta məktəbin “Zəfər” komandası I, Masallı şəhər Onbirillik İncəsənət Məktəbinin “Forte” komandası II, “Piano” komandası isə III yerə layiq görülüb.

Yekunda qaliblərə təşkilatçılar tərəfindən fəxri fərman təqdim olunub