REGİONLAR


Masallıda payızlıq taxıl əkininə 216 texnika cəlb edilib

Masallı, 15 oktyabr, Bağır Əliyev, AZƏRTAC

Masallı rayonunda payızlıq taxıl əkininə başlanılıb. Əkin kampaniyasına 216 ədəd texnika cəlb olunub. Onlardan 36-sı səpin aqreqatıdır.

Bu barədə AZƏRTAC-ın bölgə müxbirinə Masallı Rayon Dövlət Aqrar İnkişaf Mərkəzindən məlumat verilib.

Bildirilib ki, qısa vaxtda 8070 hektara yaxın sahədə arpa, buğda, vələmir səpini aparılıb. Fermerlər, torpaq mülkiyyətçiləri əkində yerli şəraitə uyğun yüksək reproduksiyalı toxumlardan istifadə edirlər.

Qeyd edək ki, bu il Masallıda yazlıq əkinlər üçün 14622 hektar sahədə şum aparılması proqnozlaşdırılıb. Artıq 9246,5 hektar sahə şumlanıb və bu iş davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.