REGİONLAR


Masallıda şahmat üzrə rayon birinciliyində 70-dək idmançı mübarizə aparıb

Masallı, 8 noyabr, Bağır Əliyev, AZƏRTAC

Masallı rayon gənclər və idman idarəsinin təşkilatçılığı ilə 9 noyabr - Dövlət Bayrağı Gününə həsr olunmuş uşaqlar və yeniyetmələr arasında şahmat üzrə rayon birinciliyi başa çatıb.

AZƏRTAC-ın bölgə müxbiri xəbər verir ki, yeddi gün davam edən yarışda 70-dək idmançı qələbə uğrunda mübarizə aparıb.

Qaliblərin mükafatlandırılması mərasimində çıxış edən Masallı rayon gənclər və idman idarəsinin rəisi Camal Manafov, Uşaq Gənclər İdman Şahmat Məktəbinin direktoru Əlfağa Yaqubov və digərləri idmançıları Dövlət Bayrağı Günü münasibətilə təbrik edərək onlara yeni qələbə sevincləri arzulayıblar.

Qaliblərə diplomlar və hədiyyələr verilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.