REGİONLAR


Masallıda yeniyetmələr arasında “Xəmsə” Milli İntellektual Oyunu üzrə seçim turu təşkil edilib

Masallı, 18 oktyabr, Bağır Əliyev, AZƏRTAC

Masallı “Gənclər evi” sosial xidmət müəssisəsində Rayon Gənclər və İdman İdarəsinin və Təhsil Şöbəsinin birgə təşkilatçılığı ilə 18 oktyabr - Dövlət Müstəqilliyinin Bərpası Gününə həsr edilmiş yeniyetmələr arasında “Xəmsə” Milli İntellektual Oyunu üzrə Masallı rayon seçim turu keçirilib.

AZƏRTAC-ın bölgə müxbiri xəbər verir ki, bilik yarışmasında rayonun tam orta ümumtəhsil məktəblərinin IX-XI siniflərində təhsil alan şagirdlər iştirak ediblər.

Yarışın yekun nəticələrinə əsasən, Masallı şəhər 3 nömrəli tam orta məktəbinin komandası birinci, Bala Kolatan kənd tam orta məktəbinin komandası ikinci, Sığıncaq kənd tam orta məktəbinin komandası üçüncü yerlərə layiq görülüblər.

Yarışmada fərqləndiyinə görə “Dəfinə” məktəb-liseyinin komandası diplomla mükafatlandırılıb.

Qaliblərə Masallı Rayon Gənclər və İdman İdarəsinin və Rayon Təhsil Şöbəsinin diplomları təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.