REGİONLAR


Masallıda yeniyetmələr arasında boks üzrə rayon birinciliyi başa çatıb

Masallı, 18 fevral, Bağır Əliyev, AZƏRTAC

Masallı Boks Mərkəzində rayon gənclər və idman idarəsinin təşkilatçılığı ilə Xocalı soyqırımı qurbanlarının xatirəsinə həsr olunmuş yeniyetmələr arasında boks üzrə rayon birinciliyi başa çatıb.

AZƏRTAC-ın bölgə müxbiri xəbər verir ki, iki gün davam edən yarışda 88 yeniyetmə idmançı 11 çəki dərəcəsində qələbə uğrunda mübarizə aparıb.

Qaliblərə diplomlar təqdim edilib.

Mükafatlandırma mərasimində çıxış edən Masallı Rayon Gənclər və İdman İdarəsinin rəisi Camal Manafov yarış iştirakçılarına Xocalı soyqırımı barədə məlumat verib. Diqqətə çatdırılıb ki, xalqımız Xocalı soyqırımı qurbanlarının xatirəsini əziz tutur, onları hörmətlə yad edir. Hər il bu faciənin ildönümündə keçirilən müxtəlif tədbirlərdə erməni vəhşilərinin xalqımıza qarşı törətdiyi qətliamın baş vermə səbəbləri, təfərrüatları bir daha yada salınır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.