REGİONLAR


Masallılı gənclər idmançı qazini ziyarət ediblər

Masallı, 26 aprel, Bağır Əliyev, AZƏRTAC

Aprelin 26-da Masallı Rayon Gənclər və İdman İdarəsinin kollektivi xüsusi karantin rejiminin qaydalarına əməl etməklə Vətən müharibəsinin iştirakçısı, qazi Tosif Məmmədağa oğlu Hüseynovu ziyarət ediblər.

AZƏRTAC-ın bölgə müxbiri xəbər verir ki, görüşdə masallılı idmançının keçdiyi şərəfli döyüş yolundan söhbət açılıb, onun qayğıları dinlənilib.

T.Hüseynov ölkəmizdə müharibə iştirakçılarına göstərilən diqqət və qayğıya görə dövlətimizin başçısına minnətdarlığını bildirib.

Qeyd edək ki, Tosif Hüseynov 3 may 1998-ci il tarixində Masallı şəhərində anadan olub. O, Vətən müharibəsinin başladığı ilk gündən könüllü olaraq döyüşlərə qatılıb, Füzuli, Cəbrayıl və Hadrut istiqamətlərində ön cəbhədə qəhrəmanlıqla döyüşüb.

Cəsur döyüşçü Şuşa şəhərinin azad olunması uğrunda gedən döyüşlərdə Daşaltı kəndi istiqamətində sağ qolundan yaralanaraq döyüş meydanından təxliyə olunub.

Tosif Hüseynov Prezident İlham Əliyevin müvafiq Sərəncamı ilə “Cəsur döyüşçü” medalı ilə təltif edilib.

İgid döyüşçü idmanın cüdo növü üzrə respublika və beynəlxalq səviyyəli yarışların iştirakçısı və mükafatçısı olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.