REGİONLAR


Masallılı rəssamın əsəri Respublika yaradıcılıq sərgisində nümayiş etdirilib

Masallı, 25 noyabr, Bağır Əliyev, AZƏRTAC

Mədəniyyət Nazirliyi və Azərbaycan Rəssamlar İttifaqının dəstəyi, “Bakı” Rəsm Qalereyası və Azərbaycan Dövlət Rəsm Qalereyasının birgə təşkilatçılığı ilə Vətən müharibəsinin ildönümü münasibətilə Bakı şəhərində keçirilən “Qələbə hünəri” adlı Respublika yaradıcılıq sərgisində masallılı rəssamın əsəri yüksək dəyərləndirilib.

"Xətai" Sənət Mərkəzində reallaşan sərgiyə Bakı şəhəri də daxil olmaqla, ölkəmizin müxtəlif regionlarından olan fırça ustaları öz rəsm əsərləri ilə qatılıblar.

AZƏRTAC-ın bölgə müxbiri xəbər verir ki, Masallı Dövlət Rəsm Qalereyasının direktoru vəzifəsini icra edən Təhmasib Məcidov sərgidə "Şəhidlərin şahidləri" adlı rəsm əsəri ilə iştirak edib.

Münsiflər heyəti tərəfindən 200-dən yuxarı əsər arasından 39 müəllifin 45 əsəri sərgidə nümayiş etdirilmək üçün seçilib. Masallılı rəssamın rəsm əsəri də qaliblərin sırasındadır.

Sərgidə təmsil olunan rəssamlara təşkilatçılar tərəfindən sertifikat təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.