REGİONLAR


Masazır gölü ətrafında təmizlik aksiyası keçirilib

Masazır, 17 iyun, Ətrabə Rzayeva, AZƏRTAC

Abşeron rayonunda yerləşən Masazır gölünün ətrafında təmizlik aksiyası təşkil edilib. Abşeron Rayon İcra Hakimiyyəti yanında İctimai Şuranın keçirdiyi aksiya “Masazır gölünün məişət tullantılarından təmizlənməsi – sağlam mühit, sağlam gələcək naminə” şüarı altında reallaşıb. Aksiyada könüllülər iştirak edib.

İctimai Şuranın sədri Elcin Quliyev AZƏRTAC–a bildirib ki, zəruri sanitar ləvazimatlarla təchiz olunmuş aksiya iştirakçıları sahil ərazisini plastik əşyalardan və məişət tullantılarından təmizləyib.

Tullantıları yerə atmamaları üçün insanlar arasında təbliğat və maarifləndirmə işləri də aparılıb.

Aksiya pandemiya şəraitinə uyğun olaraq müvafiq qaydalara riayət etməklə keçirilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.