DÜNYA


Mayın 16-dan Avstriyaya səyahət edənlər üçün 3G qaydası ləğv olunur

Vyana, 14 may, AZƏRTAC

Mayın 16-dan etibarən Avstriyaya səyahət edənlər üçün koronavirus pandemiyası ilə əlaqədar tətbiq olunan 3G qaydası (peyvənd sertifikatı, sağalmaya dair arayış və ya PZR testi) ləğv edilir.

AZƏRTAC xəbər verir ki, bu qərarla da dünyanın istənilən ölkəsindən Avstriyaya səfər edənlər heç bir öhdəlik olmadan ölkəyə daxil ola biləcəklər. Səhiyyə Nazirliyinin sərəncamında bu qərar hazırkı epidemioloji vəziyyətlə əlaqələndirilib.

Nazirlikdən bildirilib ki, virus variantları regionlarının əks olunduğu siyahı qüvvədə saxlansa da, hazırda həmin siyahıda heç bir ölkə və ya regionun adı yoxdur. Əgər haradasa virus variantları yenidən meydana gələrsə, o zaman həmin ölkə üzrə test, qeydiyyat və ya karantin öhdəliyinə dair məlumatları bu siyahı əsasında əldə etmək mümkün olacaq.

Elgün Niftəli

AZƏRTAC-ın xüsusi müxbiri

Vyana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.