CƏMİYYƏT


Mayın 24-ü səhərədək ölkə ərazisində hava şəraiti qeyri-sabit olub

Bakı, 24 may, AZƏRTAC

Mayın 24-ü səhərədək ölkə ərazisində hava şəraiti qeyri-sabit olub, bəzi yerlərdə yağış yağıb, güclü şimal-qərb küləyi əsib.

Milli Hidrometeorologiya Xidmətindən AZƏRTAC-a verilən xəbərə görə, düşən yağıntının miqdarı Sarıbaşda (Qax) 5, Qusar, Kişçayda (Şəki) 2, Zaqatala, Quba, Mingəçevir, Xınalıq, Gədəbəy, Naftalan, Şəmkir, Daşkəsən, Şəki, Xaltan, Qırızda 1 millimetr olub.

Şimal-qərb küləyinin sürəti arabir Neftçalada 35, Naftalanda 32, Gəncədə 28, Tovuz, Ağstafa, Bərdə, Tərtərdə 25, Qazıməmməd, Yevlaxda 23, Ağdam, Xaçmazda 20, Şəmkirdə 19, Salyan, Zərdabda 18, Göyçay, Mingəçevir, Yardımlıda 16 metr/saniyəyə çatıb.

Abşeron yarımadası və Abşeron dəniz rayonuna gəlincə isə külək Sumqayıt, Maştağada saniyədə 38, Bakıda 35, Neft Daşlarında 29, Çilov adasında 27, Pirallahı, Qum adasında 25, Ələtdə 24, Binədə 23, Zabratda 20 metrə kimi güclənib.

Neft Daşları stansiyasının məlumatına əsasən, Xəzər dənizində dalğanın hündürlüyü 6.6 metrə çatıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.