Bakı, 30 may, AZƏRTAC

Respublikanın əksər bölgələrində may ayının ikinci ongünlüyündə hava şəraiti qeyri-sabit və yağıntılı keçib. Havanın orta temperaturu çoxillik iqlim normasından və ötən ilin göstəricilərindən 1-2º aşağı olması ilə səciyyələnib.

Ekologiya və Təbii Sərvətlər Nazirliyinin Milli Hidrometeorologiya Xidmətindən AZƏRTAC-a verilən məlumata görə, havanın dekadalıq orta temperaturu Maştağada 16,3º, Naxçıvanda 18º, Mil-Muğan və Mərkəzi Aranda 17-18º, Qarabağ bölgəsində 16 º, Şəki-Zaqatalada 14-16º , Lənkəran-Astarada 13-16º , Gədəbəydə 10º , Quba və Dağlıq Şirvan bölgəsində 12-14º, Gəncədə və Goranboyda 16-18º, Ceyrançöldə və Tovuzda 15-17º qeydə alınıb.

Havanın minimum temperaturu Gədəbəydə 3º, Qazaxda, Naxçıvanda 6º, Dağlıq Şirvan bölgəsində, Qubada 7º, Lənkəranda 9º, Gəncədə, Tovuzda və Ceyrançöldə 10º, Şəki-Zaqatala bölgəsində 8-11º, Bərdə-Tərtər bölgəsində, Maştağada, Mil-Muğanda və Mərkəzi Aranda 11-12º təşkil edib.