DÜNYA


Mayk Pens: ABŞ-ın Cənubi Koreya ilə hərbi təlimləri davam edəcək

Bakı, 13 iyun, AZƏRTAC

ABŞ-ın vitse-prezidenti Mayk Pens Donald Trampın ABŞ-ın Cənubi Koreya ilə hərbi təlimləri dayandırılması ilə bağlı bəyanatı fonunda manevrlərin keçiriləcəyini bildirib.

AZƏRTAC “Politico” qəzetinə istinadla xəbər verir ki, bunu senator Kori Qardner deyib.

Məqalədə qeyd olunur ki, Trampın bəyanatı respublikaçılar partiyasında anlaşmazlığa səbəb olub və Pens partiya üzvlərini “sakitləşdirməyə” çalışıb. Vitse-prezidentin sözlərinə görə, “administrasiya prezidentin nədən danışdığını aydınlaşdırmağa çalışacaq” və “Cənubi Koreya ilə təlimlər davam edəcək”.

Lakin Pensin kommunikasiyalar üzrə direktoru Carrod Eyqen özünün “Tvitter” səhifəsində “vitse-prezidentin Cənubi Koreya ilə təlimlərin davam edəcəyi ilə bağlı bir söz demədiyini” yazıb.

Bir qədər əvvəl Prezident Donald Tramp bəyan etmişdi ki, KXDR-lə danışıqlar doğru istiqamətdə davam edənə qədər ABŞ Cənubi Koreya ilə təlimləri dayandıracaq.

Pentaqonun nümayəndəsi isə öz növbəsində ABŞ hərbçilərinin Cənubi Koreyada təlimləri dayandırmaq barədə hələlik heç bir göstəriş almadığını bildirib. Həmçinin Cənubi Koreyanın Müdafiə Nazirliyinin məlumatına görə, müştərək təlimlərin dayandırılması ilə bağlı Amerika tərəfi ilə heç bir müzakirə aparılmayıb və hazırda qurum “ABŞ Prezidenti Donald Trampın manevrləri dayandırmaq barədə danışarkən nəyi nəzərdə tutduğunu diplomatik kanallar vasitəsilə aydınlaşdırmağa çalışır”.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.