CƏMİYYƏT


Məcburi köçkünlərin məskunlaşdıqları binada baş verən yanğında xəsarət alan 7 nəfərə tibbi yardım göstərilib

Bakı, 10 aprel, AZƏRTAC

Xəbər verdiyimiz kimi, aprelin 10-da paytaxtda, Babək prospektində yerləşən məcburi köçkünlərin məskunlaşdıqları binada yanğın baş verib.

Səhiyyə Nazirliyinin mətbuat xidmətindən AZƏRTAC-a verilən məlumata görə, hadisə zamanı orta yaşlı bir kişi qorxaraq özünü binanın 3-cü mərtəbəsindən aşağı atıb. Həmin şəxs təcili yardım maşını ilə Sabunçu rayonundakı 3 nömrəli şəhər klinik xəstəxanaya aparılıb.

Hal hazırda hadisə yerində 2 həkim briqadası çalışır. 3 kişi, 3 qadın və 1 uşağa həkimlər yerində yardım göstəriblər.

Xəsarət alanlar barədə əlavə məlumat veriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.