Bakı, 15 mart, AZƏRTAC

Çınqıl xammalının hasilatı ilə məşğul olan müəssisə mədən vergisinin ödəyicisidir. Vergi Məcəlləsinə son dəyişiklikdə müəssisənin mədən vergisi öhdəliklərində yenilik varmı?

Dövlət Vergi Xidmətindən AZƏRTAC-a bildirilib ki, Vergi Məcəlləsinin 2022-ci il yanvarın 1-dən qüvvəyə minmiş müddəalarına əsasən, yerli əhəmiyyətli tikinti materialları üzrə (kərpic-kirəmit gilləri, tikinti qumları, çınqıl xammalı) bələdiyyə büdcəsinə ödənilən mədən vergisi dövlət vergilərinə aid edilib.

Buna əsasən, sözügedən müddətdən etibarən çınqıl xammalının hasilatına görə hesablanmış mədən vergisi bələdiyyə büdcəsinə deyil, dövlət büdcəsinə ödənilir.