MƏDƏNİYYƏT


Mədəniyyətşünaslıq üzrə Elmi-Metodiki Mərkəz daha üç yeni adda metodiki vəsait tərtib edib

Bakı, 25 iyul, AZƏRTAC

Son iki ildə yetmişdən artıq metodiki vəsaitin hazırlanmasına müvəffəq olan Mədəniyyət Nazirliyinin Mədəniyyətşünaslıq üzrə Elmi-Metodiki Mərkəzi daha üç yeni adda metodiki vəsait tərtib edib.

AZƏRTAC xəbər verir ki, mərkəzin əməkdaşı Səbuhi Hüseynovun hazırladığı “Müsabiqələrin təşkili qaydası” adlı metodiki tövsiyədə kitab, rəsm, foto müsabiqələrin təşkili qaydaları, müsabiqə prosesində nəzərə alınmalı meyarlar təşkilatçıların diqqətinə çatdırılır.

Müəllif Aygün Balabəyovanın “Muzey işinin modernləşdirilməsi: əsas istiqamətlər” adlı metodiki tövsiyəsində həm dünya muzeylərindən, həm də yerli muzeylərdən nümunələr gətirilmiş, habelə informasiya texnologiyalarının muzeyin fəaliyyətində tətbiqinin hansı faydalar gətirə biləcəyi öz əksini tapıb. Məhbubə Əbilovanın “Sərgi işi ekspozisiyaların formalaşmasında ilk mərhələ kimi” adlı metodiki tövsiyəsində elmi-kütləvi işin əsas istiqamətlərindən biri olan sərgilər, stasionar və səyyar sərgilərin təşkili və bu proseslə bağlı müxtəlif işlərin görülməsi haqqında danışılır.

Hazırlanmış bütün vəsaitlərin rayon (şəhər) mədəniyyət idarələrinə göndərilməsi və yerlərdə təqdimatların aparılması da nəzərdə tutulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.