Mediator fəaliyyətindən əldə olunan gəlir vergiyə cəlb edilir

Bakı, 3 sentyabr, AZƏRTAC

Mediator (mediasiya prosesi zamanı tərəflər arasında yaranmış mübahisənin qarşılıqlı razılıq əsasında həlli ilə bağlı qanunla müəyyən olunan prosesi həyata keçirməli olan şəxsdir) fəaliyyəti ilə məşğul olan fiziki şəxslər tərəfindən bu fəaliyyətlə bağlı göstərilən xidmətə görə alınan haqq, o cümlədən əldə olunan mükafat hansı dərəcə ilə vergiyə cəlb olunur?

Dövlət Vergi Xidmətindən AZƏRTAC-ın sualına cavab olaraq bildirilib ki, mediator fəaliyyəti ilə məşğul olan fiziki şəxslər tərəfindən bu fəaliyyətlə bağlı göstərilən xidmətə görə alınan gəlirlər qeyri-sahibkarlıq fəaliyyətindən gəlirə aid edilir və 14 faiz dərəcə ilə vergiyə cəlb olunur.