SİYASƏT


Məhəmməd Əbd Rabbi əl-Yami: UNA AZƏRTAC ilə əməkdaşlığa böyük önəm verir

Qahirə, 23 iyun, AZƏRTAC

Azərbaycanın Səudiyyə Ərəbistanındakı səfiri Şahin Abdullayevin İslam Əməkdaşlıq Təşkilatının Milli Xəbər Agentlikləri Birliyinin (UNA) baş direktor əvəzi Məhəmməd Əbd Rabbi əl-Yami ilə görüşündə əsas müzakirə mövzusu UNA və AZƏRTAC arasında əməkdaşlığın perspektivləri olub.

UNA-nın İslam dünyasının informasiya məkanında rolunu vurğulayan səfir Ş.Abdullayev qeyd edib ki, Azərbaycan dövləti Birliyin fəaliyyətini dəstəkləyir. Bu kontekstdə Azərbaycanın rəsmi informasiya mənbəyi olan AZƏRTAC-ın UNA ilə əməkdaşlığı, onların arasında yeni media planının hazırlanması böyük əhəmiyyətə malikdir.

Məhəmməd Əbd Rabbi əl-Yami AZƏRTAC ilə əməkdaşlığa böyük önəm verdiyini diqqətə çatdırıb və UNA-nın saytında Qarabağda aparılan bərpa-quruculuq işləri barədə materialların mütəmadi olaraq yayımlandığını qeyd edib. O bildirib ki, bu yaxınlarda Şuşaya səfər edən UNA-nın xarici əlaqələr və strateji inkişaf üzrə direktoru Yunus İnayət AZƏRTAC-ın İdarə Heyətinin sədri Aslan Aslanovla görüşündə Azərbaycana informasiya dəstəyinin davam edəcəyini bildirib.

Görüşdə UNA-nın baş direktor əvəzi Birliyin media vizyonu, müasir informasiya məkanında qabaqcıl yer tutmasına nail olmaq üçün göstərilən səylər, həmçinin İƏT-ə üzv ölkələrlə əlaqələrin detalları barədə məlumat verib.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.