DÜNYA


Məhəmməd Cavad Zərif: İrana qarşı müharibə etmək intihara bərabərdir

Tehran, 16 fevral, AZƏRTAC

İrana qarşı müharibə etmək intihara bərabərdir. Tarixdə heç kim İrana qalib gələ bilməyib.

AZƏRTAC xəbər verir ki, bu sözləri İranın xarici işlər naziri Məhəmməd Cavad Zərif ABŞ-ın NBC televiziyasına müsahibəsində deyib.

Nazir ABŞ-ın danışıqlar təklifini bir daha rədd edərək diqqətə çatdırıb ki, 2015-ci ildə İran ilə Qərb dövlətləri arasında “nüvə razılaşması”nın imzalanması 13 il davam edən gərgin danışıqların nəticəsi idi. Lakin ABŞ öz imzasına hörmətlə yanaşmadı və birtərəfli qaydada razılaşmadan çıxdı. Artıq rəsmi Tehran ABŞ-a etibar etmir və onunla heç bir danışıq aparmaq niyyətində deyil.

M.C.Zərif qeyd edib ki, Ağ evdəki bəzi şəxslər İrana hərbi müdaxilə olunmasını istəyirlər. Lakin hərbi müdaxilə ABŞ-ın məğlubiyyəti ilə başa çatacaq. Nazir ABŞ tərəfindən İraqın vaxtı ilə qızışdırılaraq İrana hərbi müdaxiləsini xatırladıb və bildirib ki, onlar məqsədlərinə nail ola bilmədilər. Bu gün də İrana qalib gəlmək mümkün deyil.

Xatırladaq ki, Münxen Təhlükəsizlik Konfransında iştirak edən M.C.Zərif Avropa İttifaqının xarici işlər və təhlükəsizlik siyasəti üzrə komissarı Federika Mogerini ilə də görüşüb. Görüşdə ABŞ-ın sanksiyalarına baxmayaraq, Avropa dövlətləri ilə İran arasındakı əlaqələrin inkişafı müzakirə edilib.

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.