İDMAN


Məhəmməd Salaha Çeçenistanın fəxri vətəndaşlığı verilib

Bakı, 23 iyun, AZƏRTAC

Futbol üzrə Misir millisinin və İngiltərənin “Liverpul” klubunun hücumçusu Məhəmməd Salaha Rusiya Federasiyası Çeçenistan Respublikasının fəxri vətəndaşlığı verilib.

AZƏRTAC xəbər verir ki, Çeçenistan Respublikasının rəhbəri Ramzan Kadırov bu barədə sosial şəbəkədəki səhifəsində yazıb: “Məhəmməd Salah Çeçenistanın fəxri vətəndaşıdır. Bu, məhz belədir. Bu gecə böyük futbolçuya yüksək adın verilməsi barədə fərman imzaladım. Misir yığmasının şərəfinə verdiyim təntənəli şam yeməyində Məhəmməd Salaha fərmanın surətini və döş nişanını təqdim etdim. Bu, layiqli addır”.

Kadırovun sözlərinə görə, minlərlə uşaq, yeniyetmə və yaşlı insan dünyanın ən yaxşı futbolçularından birini görmək, onunla ünsiyyətdə olmaq imkanı qazanıb. O, Çeçenistanın “Axmat” klubunun Misir yığması ilə Qroznıda nə vaxtsa yoldaşlıq görüşü keçirəcəyinə əminliyini bildirib.

Misir yığması dünya çempionatındakı ilk iki oyunda Uruqvaya 0:1, Rusiyaya isə 1:3 hesabı ilə uduzaraq, mundialda “play-off” mərhələsinə çıxmaq şansın itirib. Misir millisinin “Rusiya 2018”də yeganə qolunu Məhəmməd Salah ev sahibləri ilə görüşdə 11 metrlik cərimə zərbəsindən vurub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.