DÜNYA


Meksika Argentinadakı səfirini kitab oğurluğuna görə geri çağırıb

Bakı, 9 dekabr, AZƏRTAC

Meksikanın Argentinadakı səfiri Oskar Rikardo Valero Buenos-Ayres şəhərindəki mağazadan kitab oğurlamaq barədə ittihamlar səbəbindən geri çağırıb.

AZƏRTAC xəbər verir ki, Latın Amerikası ölkəsinin Xarici İşlər naziri Marselo Ebrard bu barədə özünün “Twitter” səhifəsində yazıb. 76 yaşlı diplomat Cakomo Kazanovanın bioqrafiyasını qəzetə bükərək oğurlamağa cəhd etdiyi zaman “Ateneo” kitab mağazasının nəzarət kamerasına düşüb. Səfir mağazanın çıxışında mühafizəçilər tərəfindən saxlanılıb və polis bölməsinə aparılıb. O, şəxsiyyəti müəyyən edildikdən sonra sərbəst buraxılıb.

“Əgər videoyazının həqiqi olduğu təsdiqlənsə, səfir dərhal işdən çıxarılacaq. Belə davranış əsla yolverilməzdir”, - deyə Marselo Ebrard bildirib.

Oskar Rikardo Valero Argentinadakı səfir səlahiyyətlərinin icrasına bu il avqust ayının ikinci yarısında başlayıb. Onun mağazadan çıxarmağa çalışdığı kitabın qiyməti 750 Argentina pesosu (12 dollara yaxın) təşkil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.