DÜNYA


Meksika: neft kəmərində partlayış nəticəsində ölənlərin sayı 66 nəfərə çatıb

Bakı, 19 yanvar, AZƏRTAC

Meksikada neft kəmərində baş verən partlayış nəticəsində ölənlərin sayı 66 nəfərə çatıb, 76 nəfər yaralanıb.

AZƏRTAC xarici KİV-lərə istinadla xəbər verir ki, bunu İdalqo ştatının qubernatoru Omar Fayyad mətbuat konfransında bildirib. Onun sözlərinə görə, yaralıların bəziləri çox ağır vəziyyətdədir. Partlayışda zərər çəkənlər arasında yaşı 18-dən az olan yeddi oğlan və 12 yaşında bir uşaq da var.

Xatırladaq ki, yanvarın 18-də axşam saatlarında İdalqo ştatındakı iri neft kəmərində güclü partlayış olub, sonra yanğın başlayıb. Hadisə kəmərin qanunsuz kəsilmiş yerində benzin yığmaq üçün azı 350 sakinin toplaşdığı vaxt baş verib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.