ELM VƏ TƏHSİL


Məktəb direktorlarının adaptasiya proqramına başlanılır

Məktəb direktorlarının adaptasiya proqramına başlanılır

Bakı, 6 dekabr, AZƏRTAC

Dekabrın 8-dən ümumi təhsil müəssisələrinə cari tədris ilində işə qəbul olmuş direktorların adaptasiya proqramına start veriləcək.

Bu barədə AZƏRTAC-a Elm və Təhsil Nazirliyindən məlumat verilib.

Bildirilib ki, proqram çərçivəsində “Kadr kargüzarlığının aparılması, işə qəbulun rəsmiləşdirilməsi”, “Təhsilin keyfiyyətinin artırılmasında məktəb direktorlarının rolu”, “Strateji və operativ planlaşdırma”, “Məktəbdə öyrədici mühitin yaradılması”, “Şagird nailiyyətlərinin artırılması”, “İdarəetmədə komanda fəaliyyətinin rolu və heyətin motivasiyası”, “Ümumi təhsil müəssisəsinin fəaliyyət planının hazırlanması” “Məktəbdə maliyyə məsələləri, əməkhaqqı və tarifləşdirilmə cədvəllərinin hazırlanması” və digər mövzularda təlimlər keçiriləcək.

Təlimlər “Microsoft Teams” platforması üzərindən həyata keçiriləcək.

Qeyd edək ki, cari tədris ilində 283 nəfər məktəb direktoru vəzifəsinə təyin edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.