ELM VƏ TƏHSİL


Məktəbdənkənar təhsil müəssisəsinin dərnək üzvləri beynəlxalq müsabiqədə yüksək nəticələr əldə ediblər

Bakı, 25 may, AZƏRTAC 

Təhsil Nazirliyi 3 nömrəli Uşaq-Gənclər İnkişaf Mərkəzinin yetirmələri mövcud pandemiya dövründə müxtəlif ölkələrin müsabiqə təşkilatçıları tərəfindən göndərilən dəvətlərə əsasən onlayn müsabiqə və festivallarda uğurla iştirak edərək yüksək nəticələr qazanıblar.

Nazirlikdən AZƏRTAC-a bildirilib ki, mayın 20-22-də Qazaxıstanın Almatı şəhərində “Novoya şkola” tədris müəssisəsi tərəfindən elan olunmuş “IT Stars – 2020” beynəlxalq onlayn texnologiyaları müsabiqəsində "proqramlaşdırma" sahəsi üzrə mərkəzin 9, “layihə” və “təqdimat” sahələri üzrə 2 dərnək üzvü ölkəmizi layiqincə təmsil edib. Müsabiqənin nəticələrinə əsasən, mərkəzin “Gənc proqramçılar” dərnəyinin üzvləri Məmməd Abbaslı, Hüseynağa Quliyev, Əli Eyvazov və Fərhad Qayıbov müsabiqənin qalibləri elan ediliblər.

Hazırda İtaliyanın “MIF Assosiation” Festival Təşkilatı birliyinin elan etdiyi “Sing at home” (“Evdə oxu”) beynəlxalq onlayn müsabiqəsində mərkəzin 13, Moskvada 6-16 yaşlı uşaqlar arasında keçirilən “İstoki” beynəlxalq vokal onlayn müsabiqəsində isə 3 gənc vokalçısı uğurla iştirak edir.

Qeyd edək ki, Təhsil Nazirliyi 3 nömrəli Uşaq-Gənclər İnkişaf Mərkəzi beynəlxalq müsabiqə və festivallarda iştirakla yanaşı, cari ilin 15 may-5 iyun tarixlərini əhatə edən “Pəncərəmdən açılan mənzərə” adlı beynəlxalq uşaq fotomüsabiqəsi elan edib. Müsabiqədə paytaxt məktəbliləri ilə yanaşı, xarici ölkələrin 7-17 yaşlı uşaq və yeniyetmələri iştirak edirlər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.