CƏMİYYƏT


Məktəblərdə onlayn təhdidlər və kibergigiyena qaydalarına dair təlimlər təşkil olunub

Bakı, 2 dekabr, AZƏRTAC

Rəqəmsal İnkişaf və Nəqliyyat Nazirliyi (RİNN) yanında Elektron Təhlükəsizlik Xidməti “Uşaq hüquqları aylığı” çərçivəsində məktəblilər üçün “Onlayn təhdidlər və kibergigiyena qaydaları” mövzusunda təlimlər keçirib.

RİNN-dən AZƏRTAC-a bildirilib ki, həmin təlimlər “Azərbaycan Respublikasının Uşaqlara dair Strategiyasının həyata keçirilməsi üzrə 2020-2025-ci illər üçün Fəaliyyət Planı”nın 5.4.16-cı bəndində əks olunmuş tədbirlərin icrası məqsədilə təşkil edilib.

Treninqlər Elm və Təhsil Nazirliyinin dəstəyi ilə Binəqədi rayonu 284 nömrəli, Yasamal rayonu 21 nömrəli, Saray qəsəbəsi 3 nömrəli və Xırdalan şəhəri 21 nömrəli orta məktəblərdə keçirilib. Təlimlərə ümumilikdə 4 məktəbdən 8-11-ci siniflərdə təhsil alan 100-dən çox məktəbli cəlb olunub.

Elektron Təhlükəsizlik Xidmətinin əməkdaşı Aysel Hadiyeva məktəblilərə mövcud kibertəhdidlər və internetdən təhlükəsiz istifadəni təmin edən kibergigiyena qaydaları barədə məlumat verib, onları maraqlandıran sualları cavablandırıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.