ELM VƏ TƏHSİL


Məktəblilər arasında güllə atıcılığı üzrə keçirilən yarışın qalibləri mükafatlandırılıb

Bakı, 23 yanvar, AZƏRTAC 

Paytaxt məktəbliləri arasında elektron güllə atıcılığı üzrə rayon turniri keçirilib.

Bakı Şəhəri üzrə Təhsil İdarəsinin (BŞTİ) və Xəzər Rayon Gənclər və İdman İdarəsinin təşkilatçılığı ilə keçirilən yarış 20 Yanvar şəhidlərinin xatirəsinə həsr olunub.

BŞTİ-dən AZƏRTAC-a bildirilib ki, paytaxtdakı 234 nömrəli tam orta məktəbdə təşkil olunmuş yarışın əsas məqsədi şagirdlərin güllə atıcılığı sahəsində qabiliyyətini üzə çıxarmaq və gənc nəsil arasında vətənpərvərliyi təbliğ etməkdən ibarətdir.

Xəzər rayonu üzrə ümumtəhsil müəssisələrinin yuxarı sinif şagirdləri arasında keçirilən yarışda ümumilikdə 30 komanda iştirak edib. Yarışın nəticələrinə əsasən, 234 nömrəli tam orta məktəbin komandası I, 26 nömrəli tam orta məktəbin komandası II, 181 nömrəli tam orta məktəbin komandası isə III yerə layiq görülüb.

Qalib komandalar diplom və hədiyyələrlə mükafatlandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.