İQTİSADİYYAT


Məlumat Hesablama Mərkəzi “Bakutel”də üz tanıma texnologiyası ilə mobil nömrə satışı sistemini nümayiş etdirir

Bakı, 3 dekabr, Pərvanə Rəhimova, AZƏRTAC

Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi (HMH) hər il olduğu kimi bu dəfə də “Bakutel 2019” sərgisində öz məhsullarını təqdim edir.

AZƏRTAC xəbər verir ki, sərgi çərçivəsində “SmartCell” üz tanıma texnologiyası nümayiş olunur. “SmartCell” üz tanıma texnologiyası (Face ID) ilə mobil nömrələrin satışını həyata keçirən rəqəmsal nömrə satışı sistemdir.

“SmartCell” operatorlar üçün müştərinin və satıcının şəkil və “Elektron imza” ilə identifikasiyası, müştərinin iştirakı ilə real vaxt rejimində əldə edilmiş şəklin şəxsiyyət vəsiqəsindəki şəkil ilə eyniləşdirilməsi, elektron müqavilə, real vaxt rejimində məlumatların əldə edilməsi, arxiv işlərinin minimallaşdırılması və sair bu kimi üstünlüklər qazandırır. Müştəri üçün isə şəxsin xəbəri və iştirakı olmadan adına nömrənin rəsmiləşdirilməsinin qarşısının alınması, vaxta qənaət, elektron müqavilə və elektron imza ilə əməliyyatın aparılması kimi üstünlüklər qazandırır.

Sözügedən texnologiya gələcəkdə bank və maliyyə sahələrində də tətbiq edilə biləcək. Müştərilərə məsafədən xidmət üçün isə əvəzsiz resursdur. Bu texnologiyanın tətbiqi zamanı prosesin videoçəkilişini də əldə etmək mümkündür. Onu da qeyd edək ki, bütün bunlar qanunvericiliyin tələblərinə tam uyğundur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.