ELM VƏ TƏHSİL


Memarlıq və İnşaat Universitetinin magistratura səviyyəsinə qəbul planı 94 faiz dolub

Bakı, 11 iyul, AZƏRTAC

2020/2021-ci tədris ilində Azərbaycan Memarlıq və İnşaat Universitetinin (AzMİU) magistratura səviyyəsində qəbul planında 23 ixtisas, 42 ixtisaslaşma üzrə 363 yer ayrılıb. Onlardan 336 yer Azərbaycan, 13 yer rus, 14 yer ingilis bölməsi üçün nəzərdə tutulub. Hazırda magistratura səviyyəsinə 341 tələbə qəbul olunub, qəbul planı 94 faiz dolub.

AzMİU-dan AZƏRTAC-a bildirilib ki, magistratura səviyyəsinə yeni qəbul olunan tələbələrin qeydiyyatı koronavirus pandemiyası ilə əlaqədar elan edilən karantin rejimi şəraitində onlayn aparılır.

Qeydiyyat prosesini asanlaşdırmaq üçün AzMİU-nun İKT Mərkəzi xüsusi elektron forma hazırlayaraq tələbələrin istifadəsinə verib (https://bit.ly/azmiumag2020). Magistraturaya qəbul olan gənclər müvafiq sənədlərin surətlərini adıçəkilən linkdə göstərilən formaya yükləyirlər. Eyni zamanda, tələbələr sənədlərin qəbulu üçün lazımi məlumatları universitetimizin rəsmi səhifəsi olan azmiu.edu.az səhifəsinin “Elanlar” bölməsindən əldə edə bilərlər. Qeydiyyat prosesi iyulun 15-dək davam edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.