MƏDƏNİYYƏT


Məmməd Səid Ordubadinin “Qılınc və qələm” romanı Türkiyədə nəşr olunub

Bakı, 28 iyun, AZƏRTAC

Yazıçı, şair, dramaturq Məmməd Səid Ordubadinin “Qılınc və qələm” romanı iki cilddə çap edilərək türkiyəli oxucuların ixtiyarına verilib.

Mədəniyyət Nazirliyindən AZƏRTAC-a bildirilib ki, roman qurumun dəstəyi və “Zengin Yayıncılık” nəşriyyatının təşəbbüsü ilə həyata keçirilən “Azərbaycan kitabının dünyaya tanıdılması” layihəsi çərçivəsində çap edilib.

Xatırladaq ki, yazıçının geniş oxucu kütləsi tərəfindən sevilən “Qılınc və qələm” romanında dahi Nizami Gəncəvinin yaşadığı dövr, Azərbaycan ədəbi mühiti hərtərəfli əks olunub. Romanda Nizami Gəncəvi ilə yanaşı, Məhsəti Gəncəvi, Mücirəddin Beyləqani, Əbül-Üla Gəncəvi kimi sənətkarların bədii surətləri yaradılıb. Tarixi sənədliliklə bədii təxəyyülün ustalıqla əlaqələndirildiyi romanda iki qəhrəmanın – Nizami və Fəxrəddinin dialoqlarına geniş yer verilib.

Xatırladaq ki, bu günə qədər layihə çərçivəsində 10 adda Azərbaycan ədəbiyyatı nümunələri çap olunaraq türkiyəli oxuculara təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.