İQTİSADİYYAT


“Mənim Elektron Hökumətim” müsabiqəsinin qalibləri gələn həftə elan olunacaq

Bakı, 15 dekabr, AZƏRTAC

Rabitə və Yüksək Texnologiyalar Nazirliyinin Məlumat Hesablama Mərkəzinin elan etdiyi “Mənim elektron hökumətim” məqalə və video süjet müsabiqəsinin qaliblərinin adları gələn həftə açıqlanacaq.

Mərkəzdən AZƏRTAC-a bildirilib ki, müsabiqəyə göndərilmiş 100-dək məlumatlardan 48 məqalə və 7 video material münsiflər heyətinə təqdim edilib. Materiallar “Elektron hökumət” portalında (https://reg.e-gov.az/musabiqe/meqale/e-read/) yerləşdirilib və geniş ictimaiyyətin müzakirəsinə verilib.

Qeyd edək ki, məqalələr 150 səhifədən ibarət 300 nüsxədə “Elektron hökumət” bülleteninin xüsusi buraxılışı kimi mətbəədə çap edilib. Qiymətləndirmə Təşkilat komitəsinin müəyyən etdiyi müxtəlif sahələr üzrə peşəkar münsiflər heyəti tərəfindən aparılıb. Mükafatlandırmada hər iki nominasiya üzrə 1-ci yer üçün 2500 manat, 2-ci yer üçün - 1500 manat müəyyən olunub. 3-cü, 4-cü və 5-ci yerlərin qalibləri isə noutbukla mükafatlandırılacaqlar. Bundan başqa müsabiqədə iştirak edən hər bir iştirakçı üçün e-imza kartı və kart oxuyucu hazırlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.