MƏDƏNİYYƏT


“Mənim ana dilim” adlı videoçarx hazırlanıb

Bakı, 1 avqust, AZƏRTAC

Bakı Şəhər Mədəniyyət Baş İdarəsi Yasamal rayon Mərkəzləşdirilmiş Kitabxana Sisteminin Mərkəzi Kitabxanasının Uşaq şöbəsi 1 Avqust - Azərbaycan Əlifbası və Azərbaycan Dili Günü ilə əlaqədar videoçarx təqdim edib.

Baş İdarədən AZƏRTAC-a bildirilib ki, şöbənin hazırladığı “Mənim ana dilim” adlı videoçarxda 2001-ci il avqustun 1-dən ölkəmizdə kiril qrafikasından latın qrafikasına keçid barədə məlumat verilib: “Bu tarix ümummilli lider Heydər Əliyevin Azərbaycan Əlifbası və Azərbaycan Dili Gününün təsis edilməsi haqqında 2001-ci il 9 avqust Fərmanına əsasən hər il qeyd olunur. Ana dili bizi daxilən qüdrətləndirən, varlığı ilə gözəlləşdirən və saflaşdıran sərvətdir”.

Daha sonra videoçarxda Xalq şairi Bəxtiyar Vahabzadənin “Mənim ana dilim” adlı şeiri səsləndirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.